قصيدة الحلم
اشتقت لك ياضيّ عيني و دنياي
اشتقت لك ياسيد كل البرايا
انت الوحيد اللي سكن داخل احشاي
واحس به ماكن بوسط الحنايا
جسّدت أروع حب ياقمّة مناي
عزفت من روحي لروحك غنايا
اطرب به الدنيا ليا صرت وياي
خل البشر تعرف حقيقة هوايا
تعال خذني حب ياشوق رجواي
بشوف حلمي في عيون الصبايا
ابشعلك ياروح روحي ومبداي
شمعة غلا للحب تسهر معايا
لو اطلبك اغلا طلب.. ((ردك))فداي
ويفداك عمري ياجزيل العطايا
يسراك منها يرتجف كف يمناي
ويمناك تكتب فى خفوقي حكايا
معاد اميّز بين صبحي وممساي
يضيع فى هيبة حضورك فضايا
شفني بعينك معرف الرايح.. الجاي
وان غبت غابت فرحتي عن سمايا
اخاف لا يكمل فرح حلم دنياي
واموت ورده ذابله بالخطايا
جملة مشاعر رددتها خفاياي
وفتح لها صدري وجت لك هدايا